日期：2021年6月30日 上午11:26作者：冼國林
我曾經 出咗一篇名為「居安思危」的文章同埋 喺 EP135嘅短片提醒大家， 國安法出台只是一個強力退燒藥暫時將亂局 遏止，但是 如果大家以為從此天下太平嘅話，係絕對錯誤和天真。 如果未來嘅特首抱着行運醫生醫病尾，可以做五年太平官的想法，亦是完全錯誤。
因為我認為，敵人亡我之心不死，佢哋一定會用盡各種方法， 化整為零去進行更嚴重的破壞 ，特別係孤狼式的恐怖襲擊。 但是當時有很多人覺得我係危言聳聽， 杞人憂天。 但是日前警方拘捕咗兩個人， 他們涉嫌藏有大量軍火，並計劃在7月1日去殺死一個著名嘅政治人物， 同埋炸毀警署。 幸好警方今次 行動迅速， 制止咗呢件事件，所以未有造成嚴重破壞同埋傷亡。 但我認為呢個只是一個開始，同類事件仍有可能繼續發生， 我哋絕對唔可以掉以輕心 。
未來特首，除咗要肩負振興香港經濟，解決民生問題外，更要盡力為香港特區清除潛在叛逆勢力，要以大無畏精神去面對惡勢力及恐怖份子。盡快以23條去立法，加強國安人員權力及反恐力量是刻不容緩。
